2017 წლის 23 ოქტომბერს,  ფონდ „ღია საზოგადოება – საქართველოს“ ოფისში, პროექტის „საქართველოს ადამიანის უფლებების დაცვის სამთავრობო სამოქმედო გეგმის (2016-2017 წლებისთვის) მონიტორინგი“ ფარგლებში, გაიმართა სამუშაო შეხვედრა სამოქმედო გეგმის მე-4 (ადამიანის უფლებათა დაცვა სასჯელაღსრულების სისტემაში“ და მე-5 (წამებასა და არასათანადო მოპყრობასთან ბრძოლა) თავების მონიტორინგთან დაკავშირებით. შეხვედრას ესწრებოდნენ სამოქმედო გეგმის შესაბამის თავებზე პასუხისმგებელი უწყებებისა და სასჯელაღსრულებისა და არასათანადო მოპყრობასთან ბრძოლის საკითხებზე მომუშავე არასამთავრობო ორგანიზაციების წარმომადგენლები.

პროექტს “საქართველოს ადამიანის უფლებების დაცვის სამთავრობო სამოქმედო გეგმის (2016-2017 წლებისთვის) მონიტორინგი” ხორციელდება “საქართველოს დემოკრატიულ ინიციატივასთან” პარტნიორობით, East-West Management Institute , PROLoG, USAID – ის ფინანსური მხარდაჭერით.